Një person ka përfunduar në pranga të Policisë së Kosovës, nën dyshimin se ka tentuar të kalojë kufirin Shqipëri-Kosovë me një arsenal armësh.
I arrestuari dyshohet për “Mbajtje në pronësi, kontroll ose posedim të paautorizuar të
armës (municionit)”, shkruan arbresh.info.
“Sot, më datë 20.04.2021 në orën 01:45, në pike kalimin kufitar në Vërmicë, ka ardhur një automjet me targa kosovare nga Republika e Shqipërisë, për të hyrë në Republikën e Kosovës. Automjeti të cilin e drejtonte i dyshuari (M. B.), shtetas i Republikës së Kosovës, pas regjistrimit në sistem nga zyrtarët kufitarë, automjeti është selektuar për kontroll më të detajuar në vijën e dytë”, njofton policia.
Gjatë ushtrimit të kontrollit nga zyrtarët policorë dhe personeli doganorë, në ulësen e pasme të automjetit janë gjetur (15) pesëmbëdhjetë pako me municion (fishekë).
Personi i dyshuar sipas procedurave është shoqëruar në stacionin policor, ku pas intervistimit me vendimit të prokurorit është liruar në procedurë të rregullt, ndërsa municioni është konfiskuar në cilësi të provave materiale.
Policia e Kosovës mbetet e përkushtuar në luftimin e veprimtarive kriminale, përfshirë edhe krimin trans-kufitar./arbresh.info/
Kurti pret në takim presidenten e Komisionit Evropian, Ursul...
Von der Leyen sot në Kosovë, vizitën e nis me një takim me O...
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...